Joriy yilning 14–15 mart kunlari Jizzax davlat pedagogika universitetining bir guruh professor-o‘qituvchilari uchun Zomin tumanidagi Zomin–Suffa dam olish maskaniga sayohat tashkil etildi.
Tog‘ bag‘ridagi musaffo havo, archazorlar va betakror tabiat ishtirokchilarga katta zavq bag‘ishladi. Osma ko‘prikdan o‘tish esa sayohatga alohida hayajon qo‘shdi.
Sayohat davomida kuy-qo‘shiqlar, samimiy suhbatlar va shodumon lahzalar jamoaviy muhitni yanada mustahkamladi. Tabiat qo‘ynidagi ushbu sayohat ishtirokchilarga yangi kuch, ilhom va motivatsiya bag‘ishladi.
