“Yaxshi dam – mehnatga hamdam” degan tamoyil asosida Jizzax davlat pedagogika universiteti professor-o‘qituvchilari va xodimlari uchun har hafta dam olish tadbirlari tashkil etilmoqda. Navbatdagi sayohatda 15 nafardan iborat guruh Zomin milliy tabiat bog‘i hududida joylashgan dam olish maskanida bo‘lib qaytdi.

Mazkur sayohat nafaqat hordiq chiqarish, balki sog‘lom muhitda vaqt o‘tkazish va jamoaviy munosabatlarni mustahkamlashga xizmat qildi.

Zominning musaffo havosi va go‘zal tabiati ishtirokchilarda katta taassurot qoldirdi. Ayni kunga qadar universitetning 400 dan ziyod xodimi ushbu maskanda dam olib qaytgan.