Ana shunday tadbirlarning biri G‘allaorol tumanida o‘tkazildi.

“Oliy ta’lim tashkilotlarida abituriyentlar, jumladan, kambag‘al va kam ta’minlangan oilalarning bitiruvchi sinfdagi farzandlari uchun tayyorlov kurslarini tashkiletish to‘g‘risida”gi 18-son buyrug‘i ijrosini ta’minlash maqsadida JDPUning Tarix, Tabiiy fanlar hamda O‘zbek tili va adabiyot fakultetlarining mas’ullari ishtirokida ushbu fakultetlarga biriktirilgan G‘allaorol tumanidagi ijtimoiy himoya reyestriga kiritilgan bitiruvchi sinf o‘quvchilari bilan tanishuv-motivatsion uchrashuvi bo‘lib o‘tdi.

Tadbir davomida universitetdagi mavjud fakultet va yo‘nalishlar, talaba-yoshlarga yaratilgan sharoitlar hamda imkoniyatlar to‘g‘risida batafsil ma’lumotlar berildi. Shuningdek, tadbir so‘ngida ijtimoiy himoya reyestriga kiritilgan oila farzandlari bitiruvchi sinf o‘quvchilari uchun maxsus tayyorlov kurslarini ochish uchun imkoniyatlar yaratishga kelishib olindi.