Joriy yilning 8 iyun kuni Jizzax davlat pedagogika institutida Prezidentimiz tomonidan ilgari surilgan 5 ta muhim tashabbusning 2 bandi ijrosini ta’minlash maqsadida yangi basketbol maydonchasi foydalanishga topshirildi deb xabar qiladi JDPI matbuot xizmati. Dastavval tadbir sharqona udum va azaliy qadriyatlarimiz timsoli sifatida hayotimizdan chuqur o‘rin olgan o‘tganlarni yod etib, ular ruhiga qur’on tilovat qilish bilan boshlanib,quruvchilar tomonidan ramziy kalit toshirilishi va lenta qirqish marosimi barcha ishtirokchilar tomonidan ezgu niyatlar qilinishi bilan yakunlandi. Tadbir ochilishida  institut pofessor-o‘qituvchilari va talabalar ishtirok etishdi. Institut moliya iqtisod ishlari bo‘yicha prorektor Azamjon Avazov, jismoniy tarbiya fakulteti dekani Olimjon Muqimov, institut sport klubi raisi Xoshimjon Komilovlar tadbirda so‘z olib, talabalarga Muhtaram Prezidentimiz tomonidan ilgari surilgan 5 ta muhim tashabbusni ijrosini ta’minlashda faol fuqarolik pozitsiyalarini namoyon qilishlarini ta’kidlab, muvaffaqiyat va zafarlar tiladi. “Bugun har tomonlama yosh avlodda sportga mehr o‘rgatish, sporchilarni vatanga muhabbat va sadoqat ruhida tarbiyalash borasida sezilarli o‘zgarishlar amalga oshirilmoqda.Yildan yilga davlatimizning sport sohasida erishayotgan yutuq va natijalari dunyoni lol qoldirmoqda. Bir necha ming yillik tarixga ega bo‘lgan ona yurtimiz azaldan o‘zining pahlavon kelbat polvonlariyu, alp o‘g‘lonlari bilan o‘rnak va namuna bo‘lib kelgan. Institut o‘zining shonli tarixida Jahon chempionlari va Osiyo sovrindorlarini yetishtirib chiqardi. Bugun foydalanishga topshirilayotgan mazkur basketbol maydonchasida kelajakda mashhur basketbolchilar yetishib chiqishiga aminman” deb ta’kidlaydi- institut mehnat faxriysi, pedagogika fanlari nomzodi Turg‘unjon Xoldorov. Tadbir jismoniy tarbiya fakultet talabalari tomonidan saralangan basketbol sport musobaqasi bilan davom ettirildi.