Tarix fakulteti Tarix yo‘nalishi 4-kurs talabalari ishtirokida yakuniy nazorat va YN imtihonlari tartib-qoidalariga bag‘ishlangan uchrashuv tashkil etildi.
Unda talabalarga imtihon jarayonida uyali aloqa vositalari, mikro quloqchin, kompyuter hamda ko‘chirmachilikka xizmat qiluvchi har qanday vositalardan foydalanish qat’iyan taqiqlanishi tushuntirildi.
Shuningdek, yakuniy nazorat jarayonlarida korrupsiyaviy holatlar, manfaatlar to‘qnashuvi yoki boshqa salbiy vaziyatlarga duch kelinganda universitetning Korrupsiyaga qarshi kurashish “Komplaens nazorat” tizimini boshqarish bo‘limiga murojaat qilish mumkinligi ta’kidlandi.
