Jizzax davlat pedagogika universiteti tashkil etilganligining 50 yilligi munosabati bilan universitetda 2024-yil 27-28-sentyabr kunlari bo‘lib o‘tadigan “Ta’limni rivojlantirish strategiyasi: qadriyatlarga asoslangan taraqqiyot” mavzusidagi xalqaro konferensiyada ishtirok etadigan xorijlik mehmonlar tashrifi boshlandi.

JDPUga  ilk tashrif  Ispaniyalik mehmonlardan bo‘ldi. Xorijlik meg‘monlar munosib tarzda kutib olindi. Barselonadagi Yoxan Kroyff instituti biznes menejeri Roman Pascual JDPU rektori Sh.Sharipov bilan uchrashdi. Muhokamalar davomida   Yoxan Kroyff institut va JDPU o‘rtasida sport turlari hamda kibersport masalasida hamkorlik shartnomasi imzolandi.

Ispaniyalik mehmonlar Jismoniy madaniyat fakultetida bo‘lishdi.

Tashrif avvalida mehmonlar fakultetda talabalar uchun yaratilgan sharoitlar bilan tanishishdi. Shu o‘rinda sportning turli yo‘nalishlarida yutuqlarga erishgan sportchi talabalarimiz haqida ham ma’lumotlar berildi. Shundan so‘ng mehmonlar va talabaalr ishtirokida uchrashuv tashkil etildi.

Muloqotdan so‘ng xorijlik mehmonlar talabalarga mahorat darslarnii o‘tib berishdi.