“Biz birmiz va birgalikda kuchmiz” shoiri ostida o‘tkazilgan xayriya tadbirlarining navbatdagisi Zomin tumani “Achchi” MFY xududida olib borildi.

Universitetning Pedagogika va psixologiya fakulteti 4-kurs talabalaridan iborat 15 nafar ko‘ngillilardan iborat guruh tashrifni “Achchi” MFY maxalla fuqarolariga “Oila farovonligi – yurt farovonligi” mavzusida psixologik trening bilan boshladi. Savol-javob, debat va bahs-munozara asosida o‘tkazilgan psixolgik trening aholiga ruhiy tetiklik, hayotga ijobiy munosabat, oilada o‘zaro tushunishni mustahkamlash, farzand tarbiyasidagi xatoliklarni to‘g‘rilash kabi qator masalalarni o‘z ichiga qamrab oldi. Shundan so‘ng volontyor talabalar rahbarlari A.Qayumov hamkorligida  mazkur hududda joylashgan 4- hamda 46-umumta’lim maktablarida yuqori sinf o‘quvchilariga ma’naviy-ma’rifiy mazmundagi tarbiyaviy tadbirlar va o‘quv mashg‘ulotlari olib borishdi.