Jizzax davlat pedagogika universiteti Magistratura bo‘limida «Ustozga ehtirom» shiori ostida «Yangi O‘zbekiston — yoshlar nigohida» mavzusida ma’naviy-ma’rifiy uchrashuv o‘tkazildi. Ustozlarning boy hayotiy va kasbiy tajribasini yosh avlodga yetkazish, yuksak davlat mukofotlari sohiblarining ibratli hayot va mehnat yo‘lini keng targ‘ib qilishga qaratilgan uchrashuvning mehmoni «Mehnat shuhrati» ordeni sohibi, tarix fanlari doktori, professor Faniya Axmedshina bo‘ldi.
1 kurs magistrantlar ishtirok etgan ochiq muloqotda mustaqillik yillarida mamlakatimizning ijtimoiy-iqtisodiy va ma’naviy-ma’rifiy yuksalishi, yurt taraqqiyotiga munosib hissa qo‘shgan fidoyi insonlarning hayot va mehnat yo‘li haqida fikr almashildi.
Ayni paytda universitetning magistratura bo‘limining 1 kursiga 265 nafar magistrant qabul qilingan. 21 ta mutaxassislik bo‘yicha tahsil olayotgan magistrantlar uchun bunday uchrashuvlar ustozlar tajribasini o‘rganish, hayotiy saboqlar olish va kasbiy maqsadlarini yanada aniq belgilashda muhim ahamiyat kasb etadi.
