Xabaringiz bor bugun yurtimizda quyosh batareyalari va suv isitgichlariga talab ortib bormoqda. Keyingi paytlarda chiroqlar tez-tez o‘chayotgan bir sharoitda ular odatdagidek hayot kechirish imkonini beradi. Xo‘sh quyosh batareyalari nima? Uning qanday afzalliklari bor?
QUYoSh BATAREYaSI — yarimo‘tkazgichli fotoelementlarga asoslangan tok manbai bo‘lib, u quyosh radiatsiyasi energiyasini bevosita elektr energiyasiga aylantiradi. Quyosh batareyasi Elementlarining ishlashi ichki fotoeffekt hodisasiga asoslangan. Dastlabki quyosh elementini 1953—54 y. larda AQSh olimlari G. Pirson, K. Fuller va D. Chapinlar tomonidan ishlab chiqilgan. Mutaxassislarning fikricha, eng arzon quyosh panellari 150 Vt quvvatga ega bo‘lib, ulardan 5-6 xonani yoritish va bitta televizor ishlashi uchun foydalanish mumkin. Agar ikkita televizor, bitta muzlatgich va ko‘proq xonalarni elektr energiyasi bilan ta’minlash zarur bo‘lsa, kamida 2 kVt quvvatga ega quyosh panellari kerak bo‘ladi. Quyosh panellaridan foydalanib, nafaqat barqaror, balkim tekin elektr energiyasiga ega bo‘lasiz, chunki uni o‘zingiz ishlab chiqarasiz.
Bugun Jizzax davlat pedagogika universitetiga rahbariyat tashabbusi bilan quyosh batareyalari o‘rnatilmoqda. Ayni paytda bosh binoga 100 kVt quvvatga ega quyosh panellari o‘rnatilayotgan bo‘lsa, Kuyovboshi MFY da joylashgan Matematika va informatika fakulteti binolariga 20 kVt quvvatga ega panellar o‘rnatilmoqda.
