Universitetda umumta’lim maktablari bitiruvchi sinf o‘quvchilari o‘rtasida kimyo, biologiya va fizika fanlari bo‘yicha ko‘p bosqichli olimpiada tashkil etildi.

Tadbirni Ilmiy ishlar va innovatsiyalar bo‘yicha prorektor A.Jabbarova ochib berib, olimpiadaning maqsad va ahamiyati haqida to‘xtaldi. Ta’kidlanganidek, mazkur olimpiada Prezident qarorlari hamda tegishli me’yoriy hujjatlar ijrosini ta’minlash maqsadida tashkil etildi.

Olimpiada davomida o‘quvchilarning tabiiy fanlarga oid bilim va salohiyati sinovdan o‘tkazildi. G‘olib hamda faol ishtirokchilar universitet rahbariyati tomonidan taqdirlandi.

Mazkur tanlov yoshlarning ilm-fanga qiziqishini oshirish, iqtidorli yoshlarni qo‘llab-quvvatlash va maktab hamda oliy ta’lim muassasalari o‘rtasidagi hamkorlikni mustahkamlashga xizmat qiladi.