Jizzax davlat pedagogika universitetida 2024-2025 o‘quv yilida universitetda faoliyat yuritayotgan tyutorlar malakasini oshirish maqsadida o‘quv seminari tashkil etildi.Seminarni universitet yoshlar masallari, ma’naviy-ma’rifiy ishlar bo‘yicha birinchi prorektori S.Nazarqosimov ochib berdi . U Yangi O‘zbekistonda ta’lim sohasidagi islohotlar, tyutorlik faoliyatini yanada shakllantirish, faoliyatning texnologiyalari, vositalari va funksiyalari, tyutorlik tizimida ijara xonadonlari bilan hamkorlikda ishlarni olib borish xususida to‘xtaldi.
Seminarda asosiy urg‘u HEMIS platformasi, Kredit-modul va talabalarning bilimini baholash tizimi mavzusiga qaratildi. Oliygohning registrator ofisi mutaxassislari tyutorlarga mavzu doirasida tushunchalar berishdi.
Shuningdek, o‘quv seminarida tyutorlar va talabalar o‘rtasida korrupsion holatlarning oldini olish bo‘yicha normativ-huquqiy hujjatlar ham tanishtirildi. seminar so‘ngida ta’lim muassasasidagi mavjud TTJlar, TTJlarda yaratilgan sharoitlar, ichki-tartib intizom, joylashish shartlari xususida ham so‘z yuritildi.
