Bugun Jizzax davlat pedagogika universiteti Maktabgacha va boshlang‘ich ta’lim fakultetining Boshlang‘ich ta’lim pedagogikasi kafedrasi qoshida faoliyat yuritayotgan “Texnologiya va art dizayner” to‘garagining navbatdagi mashg‘uloti bo‘lib o‘tdi.

Mashg‘ulot davomida talabalarga zamonaviy texnologiyalar, art dizayn yo‘nalishidagi innovatsion yondashuvlar, ijodiy tafakkurni rivojlantirish usullari haqida amaliy bilim va ko‘nikmalar berildi.

To‘garak a’zolari turli bezak buyumlari, dekorativ ishlar, grafik dizayn elementlari ustida ishlash jarayonida o‘z ijodiy qobiliyatlarini namoyon etishdi. Ustozlar tomonidan talabalarning har bir ijodiy ishlari tahlil qilinib, estetik did, texnik mahorat va g‘oyaviy yondashuv jihatdan baholab borildi.

Tadbirning asosiy maqsadi — talabalarda dizayn tafakkuri, texnologik madaniyat va amaliy ijodkorlik ko‘nikmalarini shakllantirish, shuningdek, kasbiy mahoratni mustahkamlashdan iboratdir.

Mashg‘ulot yakunida faol ishtirok etgan to‘garak a’zolari rag‘batlantirildi va keyingi darslar uchun yangi ijodiy loyihalar rejalashtirildi.