Jizzax davlat pedagogika universiteti Ta’lim jarayonini tashkil etish bo‘limida “Hosil bayrami” o‘tkazildi. Tadbirda Tabiiy fanlar fakulteti sirtqi ta’lim biologiya yo‘nalishi talabalari faol ishtirok etdilar. Bayramni bo‘lim boshlig‘i A. Chimanov ochib berdi.

“Hosil bayrami” — mamlakatimizda har yili kuz faslida, asosan oktyabr oyida keng nishonlanadigan, xalqimiz mehnatsevarligini, yerga va tabiatga bo‘lgan hurmatini ifodalovchi ezgu an’anadir.

Tadbir davomida talaba-yoshlar va ustozlar tomonidan mahsulotlar ko‘rgazmasi tashkil etildi. Unda meva-sabzavotlar, g‘alla, paxta, asalarichilik, ipakchilik va boshqa tarmoqlardagi yutuqlar namoyish etildi.

Bayramga bag‘ishlab she’rlar, qo‘shiqlar, sahna ko‘rinishlari ijro etildi. Tadbir ishtirokchilari o‘z ijodlari orqali hosil faslining fayzu barakasini, mehnatsevarlik va tabiatga hurmat kabi fazilatlarni yuksak ruhda namoyon etdilar.

Tadbir so‘ngida faol ishtirokchilar va g‘olib jamoalar taqdirlanib, ularga faxriy yorliqlar va esdalik sovg‘alari topshirildi.