Jizzax davlat pedagogika universitetining 20 nafardan ziyod talaba-yoshlari uchun Toshkent shahridagi qator tarixiy va ma’rifiy maskanlarga tashrif tashkil etildi.
Tashrif davomida talabalar Shon-sharaf davlat muzeyi, Islom sivilizatsiyasi markazi hamda O‘zbekiston prokuraturasi tarixi muzeyida bo‘lib, xalqimiz tarixi, milliy davlatchilik an’analari, boy madaniy meros va buyuk ajdodlarimiz hayoti hamda faoliyati haqida keng ma’lumotlarga ega bo‘ldilar.
Bunday ma’rifiy tashriflar yoshlarni milliy qadriyatlarga hurmat ruhida tarbiyalash, ularning tarixiy xotira va vatanparvarlik tuyg‘ularini mustahkamlashga xizmat qilmoqda.
