Tabiiy fanlar fakultetida Biologiya kafedrasi professor-o‘qituvchilari hamda biologiya yo‘nalishi talabalari tashabbusi bilan “Ekologik mas’uliyat” haftaligi doirasida “Ekologik muammolar: bugun va ertaga” mavzusida ochiq muloqot tashkil etildi.

Tadbir davomida ekologik xavfsizlik, atrof-muhitga inson omilining ta’siri, global iqlim o‘zgarishi, hududiy ekologik muammolar kabi dolzarb masalalar interaktiv metodlar asosida muhokama qilindi. Talabalar va mutaxassislar o‘z fikr-mulohazalarini bildirib, mavjud muammolarning mumkin bo‘lgan yechimlari yuzasidan takliflar bilan o‘rtoqlashdilar.

Davra suhbatining yakunida ishtirokchilarga esdalik sovg‘alari hamda ekologiyaga oid kitoblar jamlanmasi taqdim etildi.