Talabalarning bo‘sh vaqtlarini ko‘ngilli va mazmunli o‘tkazish, iqtidorli yoshlarni izlab topish, ularga o‘z imkoniyatlarini yuzaga chiqarish uchun sharoit yaratish maqsadida o‘tkazilayotgan “Quvnoqlar va zukkolar” ko‘rik-tanlovining 2024-yilgi mavsum final bosqichi bo‘lib o‘tdi.
Tanlovning saralash bosqichining 3 ta tur o‘yinlarida 1-o‘rinni qo‘lga kiritgan jamoalar Tabiiy fanlar fakultetining «Bojalar», Xorijiy tillar fakultetining «Ovsinlar», O‘zbek tili va adabiyoti fakultetining «Do‘ppililar» hamda 3 ta tur o‘yinlarida 2-o‘rinni qo‘lga kiritgan jamoalar orasida eng yuqori ballni to‘plagan Tarix fakultetining «Talabalariga binoan Tarixchilar» jamoalari final bosqichida o‘z iqtidorlarini namoyish etishdi.
Final bahsida 3 ta shart asosida jamoalar quyidagi natijalarni qo‘lga kiritishdi:
🥇1-o‘rin: Tabiiy fanlar fakultetining «Bojalar» jamoasi;
🥈2-o‘rin: Xorijiy tillar fakultetining «Ovsinlar» jamoasi;
🥉3-o‘rin: Tarix fakultetining «TBT – talablariga binoan Tarixchilar» jamoasi egalladi.
«Eng quvnoq qiz» va «Eng quvnoq yigit» nominatsiyalari: Tabiiy fanlar fakultetining «Bojalar» jamoasi a’zosi Dilmurod G‘oyibnazarov Xorijiy tillar fakultetining «Ovsinlar» jamoasi a’zosi Ro‘zigul Shamsiyevalarga nasib etdi.
Faxrli o‘rinlar hamda nominatsiyalarni qo‘lga kiritgan jamoalar joriy yil 21-dekabr kuni «Yangi yil karnavali»da diplom va pul mukofotlari bilan taqdirlanishadi.
