“O‘zbekiston – Ozarbayjon adabiy aloqalari” nomli ilmiy seminar va ijodiy uchrashuvga taklif etilgan Almaz Ulvi xonim dastavval Jizzax davlat pedagogika universiteti rahbariyati bilan uchrashdi. Oliygohning Yoshlar masalalari ma’naviy va ma’rifiy ishlar bo‘yicha birinchi prorektori S.Nazarqosimov bilan bo‘lgan muloqot davomida tomonlar turkiy xalqlarning adabiyoti, uning namoyandalari, ta’limdagi o‘zgarishlar, universitetda xalqaro hamkorlikka berilayotgan e’tibor xususida suhbatlashishdi.
“O‘zbekiston – Ozarbayjon adabiy aloqalari”. Ozarbayjon Milliy Fanlar Akademiyasi Institutining Ozarbayjon –Turkmaniston – O‘zbekiston adabiy aloqalari bo‘limi mudiri Almaz Ulvi Binnatova suhbat so‘ngida Ozarbayjonda chop etilgan bir nechta kitoblarni mezbonlarga hadya etdi.
Suhbat so‘ngida S.Nazarqosimov O‘zbek adabiyotining ozarbayjonlik tolmas tadqiqotchisi professor Almas Ulvi xonimning o‘zbek-ozarbayjon adabiy aloqalari yo‘lidagi ko‘p yillik izlanishlari, tinimsiz mehnati samarasi, qolaversa, o‘zbek adabiyotiga bo‘lgan ulkan ehtiromi, sifatida taqdim etilgan kitoblar uchun cheksiz minnatdorchiligini bildirib, o‘zbek-ozarbayjon adabiy aloqalarini yanada mustahkamlash yo‘lidagi ishlariga ulkan rivoj tiladi.
