O‘zbekiston Respublikasi Vazirlar Mahkamasining Davlat tilini rivojlantirish departamenti, Vazirlar Mahkamasi huzuridagi O‘zbek tilini rivojlantirish jamg‘armasi, Oliy ta’lim, fan va innovatsiyalar vazirligi hamda Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi hamkorligida tashkil etilgan «Ommaviy diktant» aksiyasida Jizzax davlat pedagogika universiteti talaba yoshlari ham ishtirok etishdi.

Yoshlar orasida yozma savodxonlik madaniyatini keng targ‘ib qilish, o‘zbek tiliga bo‘lgan hurmat va qiziqishni yanada oshirish hamda o‘zbek tili ta’limini takomillashtirish maqsadida o‘tkazilgan aksiya 100 dan ziyod talaba yoshlarni birlashtirdi.— Oliygohni birinchi kursida tahsil olaman.

Ta’lim olish jarayonida savodxonligim qay darajada ekanligini bilish uchun qatnashdim, — deya taassuroti bilan o‘rtoqlashdi Ruxshona Po‘latova . – Aksiya yuqori darajada tashkillashtirilgan. Bunday tadbirlar muntazam o‘tkazib turiladi deb umid qilaman.