Joriy yilning 15-25 avgustiga qadar Jizzax davlat pedagogika universiteti talaba-yoshlar o‘rtasida “Ona siymosi”, “Mening oilam” mavzularida rasmlar tanlovi o‘tkazildi. Tanlov shartlariga ko‘ra ishtirokchilar 50×70 hajmidagi rang tasvir va moy bo‘yoq matoda ishlangan rasmlarni 10 kun muddatda taqdim etishlari lozim edi. Ayna paytda 100 ga yaqin ishtirokchi o‘z ishlarini taqdim etgan. Ushbu ishlar esa hakamlar hayʼati tomonidan ko‘rib chiqilib, tanlov g‘oliblari aniqlandi. Tanlov natijalariga ko‘ra 1-o‘rin – Tabiiy fanlar fakulteti talabasi Madina Xushvaqtovaga , 2-o‘rin – Fizika va texnologik taʼlim fakulteti talabasi Gulsevar O‘rinboyevaga , 3-o‘rin – esa Fizika va texnologik taʼlim fakultet talabasi Farzona Chindaliyevaga nasib etdi.
Eslatib o‘tamiz yuqori o‘rinlarni qo‘lga kiritgan tanlov ishtirokchilari pul mukofotlari bilan taqdirlanishadi. Shuningdek tanlovda faol ishtiroki 4 nafar talaba yoshlarga rag‘batlantiruvchi mukofotlar topshiriladi.
