Vazir o‘rinbosari Jizzax davlat pedagogika universitetining ilmiy-innovatsion faoliyati bilan yaqindan tanishdi.

Vazir o‘rinbosari dastlab universitetning bosh binosida tashkil etilgan Steam park ilmiy-tadqiqot laboratoriyasida  amalga oshirilayotgan va bajarilishi ko‘zda tutilgan amaliy va innovatsion loyihalar bilan yaqindan tanishdi.

Shundan so‘ng vazir o‘rinbosari “Tabiiy fanlar ” fakultetida bo‘lib,  o‘quv va ilmiy laboratoriyalarning zamonaviy asbob-uskunalari bilan jihozlanganlik holati va bu laboratoriyalar negizida amalga oshirish ko‘zda tutilgan bir qancha  loyihalarga oid ma’lumotlar  «In vitro» laboratoriyasida  o‘simlik yetishtirishning usullari  bilan tanishdi.  Vazir o‘rinbosari O. Mahkamov  ilmiy-tadqiqot laboratoriyasi kelajakda o‘z-o‘zini moliyalashtirish masalasi, laboratoriya ishlarining xalq xo‘jaligi sohalari bilan chambarchas bog‘liqligini ta’minlash, laboratoriya tadqiqot ishlariga bakalavriat yo‘nalishida tahsil olayotgan faol yoshlarni jalb etish va mutaxassislarning xorijda tajriba orttirishlari yuzasidan taklif va tavsiyalarini berdi.

Tashrif so‘ngida Vazir o‘rinbosari Otabek Mahkamov ishtirokida magistr hamda doktorantlar bilan uchrashuv tashkil etildi.