Oliy pedagogik ta’lim tizimini zamon talablariga mos ravishda isloh qilish, ta’lim sifati va samaradorligini oshirish, fan, ta’lim hamda ishlab chiqarish integratsiyasini kuchaytirishga qaratilgan respublika seminarini Chirchiq davlat pedagogika universiteti rektori Muhammedov G‘ofurjon Isroilovich ochib berdi.
Seminarning rasmiy ochilish marosimini Jizzax davlat pedagogika universiteti rektori, professor Yuldashev Maqsudjon Abdullayevich davom ettirdi.
Respublika seminari doirasida tadbirning taqdimot qismiga yetib kelindi. Mazkur bosqichda Jizzax davlat pedagogika universiteti hamda Chirchiq davlat pedagogika universitetining soha bo‘yicha prorektorlari tomonidan taqdimotlar qilindi.
Pedagogika oliy ta’lim muassasalarini transformatsiya qilish modeli muhokamasiga bag‘ishlangan respublika seminari yakunida ikki oliy ta’lim muassasasi o‘rtasida o‘zaro hamkorlik memorandumi imzolandi.
Shuningdek, har ikki universitet tomonidan ramziy sovg‘alar topshirildi va hamkorlik aloqalarini mustahkamlash bo‘yicha qo‘shma loyihalarni amalga oshirish imkoniyatlari muhokama qilindi.
