1-dekabr – OITSga qarshi kurash xalqaro kuni doirasida Jizzax davlat pedagogika universitetidagi Ibn Sino sog‘liqni saqlash markazida OITS infeksiyasi hamda gepatit kasalligiga ekspress-test topshirish aksiyasi o‘tkazilmoqda.

Ayni paytgacha universitetda Jizzax viloyati OITSga qarshi kurashish markazi mutaxassislari hamda talaba yoshlar ishtirokida kasallikning oldini olish, uning belgilari xususida bir nechta targ‘ibot tadbirlari, davra suhbatlari o‘tkazildi.

Bugun universitet hududida talaba yoshlarga va professor-o‘qituvchilarga OIV infeksiyasi profilaktikasi to‘g‘risida eslatma materiallar tarqatildi hamda ekspress-test usulida OIV infeksiyasiga qon olib tekshirildi. Mobil laboratoriyada test topshirgan talabalar 20 daqiqada tahlil natijalarini olishmoqda.

Aksiya joriy yilning 28-29-30-noyabr kunlari bo‘lib o‘tadi. Ushbu aksiyada faol bo‘lib salomatligingizga e’tiborli bo‘lishingizni tilaymiz.