JDPUda “Texnologiyalarni tijoratlashtirish va startap loyihalarni amalga oshirish” mavzusida seminar tashkil etildi.

Seminarni JDPU Ilmiy ishlar va innovatsiyalar bo‘yicha prorektori G‘ayrat Qodirov ochib berdi. So‘zga chiqqan  Jahon banki ishchi guruhi, «MUNIS» loyihasi mutaxassislari, ilmiy loyihalar va biznes-startaplarni amalga oshirish bo‘yicha bir guruh xalqaro ekspertlar loyihaning maqsad va vazifalari to‘g‘risida ma’lumotlar berishdi.

Dasturning asosiy maqsadi 2022/2026 yillarda innovatsion rivojlanish strategiyasida belgilangan maqsadlarga erishish uchun hududlardagi yosh olimlar, tadbirkorlar va o‘z startap g‘oyalariga ega yoshlarni loyihalarini amalga oshirishda amaliy ko‘nikmalarini mustahkamlash, hamda texnologiyalarni tijoratlashtirishda ularni qo‘llab-quvvatlashdan iboratdir. Loyiha, shuningdek, «MUNIS» loyihasining kichik tarkibiy qismlari uchun maqsadli auditoriyani kengaytirishga yordam beradi.

Loyiha doirasida 10-11 iyun kunlari o‘tkazilishi rejalashtirilgan seminar treningning birinchi kunida inson kapitalini rivojlantirish,infratuzilmani yaratish, o‘zaro hamkorlik, innovatsion tadbirkorlikni qo‘llab-quvvatlash,sarmoyalarni jalb qilish va raqamlashtirish mavzulari muhokama etildi.

Fan, ta’lim va innovatsiyalar sohalarini rivojlantirishga xizmat qilib, mamlakatning demografik salohiyatini ochib berishga qaratilgan va amalda sinovdan o‘tib yo‘lga qo‘yilgan dasturdan iborat ushbu loyiha asosida o‘tkazilgan seminar-trening so‘ngida faol ishtirokchilar sertifikatlar bilan taqdirlandi. Seminar ertaga 11 iyun kuni o‘z ishini davom ettiradi.