Jizzax davlat pedagogika Universitetda faoliyat olib borayotgan professor – o‘qituvchilari, xodimlar va talabalar ishtirokida “Qon donorligi haftaligi” doirasida “Men donorman” aksiyasi o‘tkazildi. Ta’kidlash joiz ushbu aksiya Gematologik, onkogematologik va boshqa davolash qiyin bo‘lgan kasalliklarga chalingan yoshlarga tibbiy yordam ko‘rsatish, ushbu kasalliklar profilaktikasini kuchaytirish va ularni keltirib chiqaruvchi omillarning oldini olish hamda yoshlarda oliyjanoblik, bag‘rikenglik tuyg‘ularini shakllantirish maqsadida tashkil etildi.
“Men donorman” xayriya aksiyasi Jizzax viloyat qon quyish stansiyasi mutasaddilari tomonidan har bir xodim maxsus nazorat ko‘rigidan o‘tkazilib, belgilangan tartibda donorlikka ro‘yxatga olinishi e’tiborga olindi. Shu paytgacha ushbu aksiyada ko‘plab ko‘ngilli yoshlar va professor-o‘qituvchilar ishtirok etishdi.
