Malayziyaning Putra universiteti (Universiti Putra Malaysia) Sport tadqiqotlari kafedrasida katta o‘qituvchi va falsafa doktori. Roksana Omar Dev Jismoniy madaniyat fakultetining taklifi bilan universitetga tashrif buyurdi.
O‘zining ilmiy faoliyati orqali jismoniy faollik va sog‘liq psixologiyasi sohalarida muhim hissa qo‘shib kelayotgan Roxana Omar xonim faoliyat yuritayotgan Universiti Putra Malaysia (UPM) dunyo miqyosida nufuzli universitetlardan biri bo‘lib, turli xalqaro reytinglarda yuqori o‘rinlarni egallab kelmoqda.Xorijlik mehmon dastlab universitet Ilmiy ishlar va innovatsiyalar bo‘yicha prorektor G‘. Qodirov va jismoniy madaniyat fakulteti rahbariyati bilan tanishuv uchrashuvida ishtirok etdi. Samimiy suhbat davomida tomonlar tashrif maqsadlari va hamkorlik yo‘nalishlarini muhokama qilishdi. Uchrashuv so‘ngida xorijlik mehmonga esdalik sovg‘alari topshirildi.
Shundan so‘ng jismoniy madaniyat fakulteti professor o‘qituvchilari va talabalari uchun Roxana Omar xonim ishtirokida Jismoniy faollik va ovqatlanish orqali sog‘liqni yaxshilashning zamonaviy yondashuvlari» mavzusida seminar trening tashkil etildi.
Jismoniy faollik va ovqatlanish orqali sog‘liqni yaxshilashning zamonaviy yondashuvlari, motivatsiyaning psixologik jihatlari, baholash usullari va sog‘lom turmush tarzini rivojlantirish dasturlari bo‘yicha ma’ruza va amaliy mashg‘ulotlar bilan o‘tgan seminar talabalarda katta qiziqish uyg‘otdi.
Qo‘shma ilmiy tadqiqotlar, nashrlar va talabalar hamda o‘qituvchilar uchun almashinuv dasturlari imkoniyatlarini muhokamasi bilan yakunlangan seminar savol-javoblarga boy bo‘ldi.
