JDPU Jizzax shahar 30 -maktabda amalga oshirishi rejalashtirilgan ishlar yuzasidan Yo‘l xaritasining 30- bandini ijrosi yuzasidan maktabda «Parents day» ( Ota-onalar kuni) o‘tkazildi. O‘quvchilarning maktab darslarida muntazam qatnashishlarini ta’minlash hamda yoshlar o‘rtasida turli nojo‘ya va ular tarbiyasiga salbiy ta’sir ko‘rsatuvchi odatlarning tarqalishini oldini olish maqsadida tashkil etilgan tadbirda o‘quvchi yoshlar va ota-onalar qatnashishdi.
Tadbirda ishtirok etgan mahalla faollari va universitet o‘qituvchilari ota-onalarga O‘z farzandlari oldidagi mavjud majburiyatlarini to‘la anglagan holda, bolani maktab darslarida to‘liq va doimiy ishtirok etayotganligini qat’iy nazorat qilishi, bunda maktab ma’muriyati va sinf rahbarlari bilan muntazam aloqa o‘rnatishi haqida tushuntirishlar berildi.
