Madaniyat saroyida magistrantlar uchun navbatdagi “Mustaqillik darsi” tashkil etildi. Dars professor Faniya Axmedshina ishtirokida qizg‘in va samarali o‘tdi.

— “Tanlanganlar, xush kelibsiz bu dargohga”, — deya samimiy so‘zlar bilan chiqish qilgan professor Axmedshina mustaqillik tarixi, unga jon fido etgan ajdodlar merosi, jadidlar harakatining o‘rni hamda ilm olishning qadri haqida atroflicha to‘xtalib o‘tdi.

Dars jarayonida yoshlarga zamonga hamnafas bo‘lib yashash, bilim va izlanishga intilishning ahamiyati haqida hayotiy misollar keltirildi.Izlanishdan charchamaslik va Vatanga sadoqatli bo‘lish yo‘lida qimmatli tavsiyalar berildi.

Eng muhimi, suhbat savol-javob, fikr va takliflar almashuvi, qizg‘in bahs va munozara ruhida kechdi. Ushbu dars magistrantlar xotirasida uzoq yillar saqlanib qolishi shubhasiz.