Uchrashuvni Madina Xushvaqtova ochib berib, antikorrupsiya volontyorlari hamda ularning koordinatorlarini tanishtirdi.

Tadbir davomida Korrupsiyaga qarshi kurashish agentligi direktori o‘rinbosari Umida To‘xtasheva so‘zga chiqib, yoshlar mamlakat kelajagi ekanini ta’kidladi. U antikorrupsiya yo‘nalishida samarali faoliyat olib borish uchun o‘zaro hamkorlikni kuchaytirish, netvorking tizimini shakllantirish va tarqoqlikka yo‘l qo‘ymaslik zarurligini qayd etdi. Shuningdek, yoshlarga to‘g‘ri yo‘l ko‘rsatish muhim vazifalardan biri ekanini ta’kidladi.

Uchrashuv davomida “Nima sababdan ayrim yoshlarimiz chet elga ketib, ortga qaytishni istamaydi?” degan savol o‘rtaga tashlandi. Mazkur masala yuzasidan ishtirokchilar o‘z fikr va takliflari bilan o‘rtoqlashdilar.

Tadbir yakunida mazkur holatni o‘zgartish yoshlarning o‘z qo‘lida ekani ta’kidlanib, uchrashuvda qatnashgan yoshlar bu borada faol bo‘lishga tayyor ekanliklarini bildirdilar. Uchrashuv savol-javoblar shaklida davom etdi va yoshlarning fikr-mulohazalari tinglandi.