Jizzax davlat pedagogika universitetida “Kimyo ta’limini ilmiy tadqiqot, raqamli texnologiyalar va sanoat hamkorligi bilan uyg‘unlashtirish” mavzusida xalqaro ilmiy-amaliy konferensiya bo‘lib o‘tdi.

Anjumanda O‘zbekiston, Qozog‘iston, Ozarbayjon va Belarus davlatlaridan yetuk olimlar hamda professor-o‘qituvchilar ishtirok etdi. Jumladan, O‘zbekiston Milliy universiteti professori Hamdam Akbarov, Samarqand davlat universiteti professori Ergashboy Abduraxmanov, Farobiy nomidagi Qozog‘iston milliy universiteti professori Akmaral Argimbayeva kabi taniqli olimlar ma’ruza qildi.

Konferensiya davomida kimyo ta’limini zamonaviy yondashuvlar asosida rivojlantirish, ilmiy-tadqiqot ishlarida innovatsion metodikalarni qo‘llash, raqamli texnologiyalar integratsiyasi hamda sanoat hamkorligini kuchaytirish masalalari muhokama qilindi.

Shuningdek, sho‘ba yig‘ilishlarida ekologiya va barqaror rivojlanish, kimyo fanini o‘qitishdagi dolzarb muammolar hamda xalqaro tajribalar yuzasidan ilmiy fikr almashildi.