Jizzax shahrida O‘zbekiston Respublikasi Davlat bayrog‘i qabul qilinganining 34-yilligi munosabati bilan tantanali tadbir o‘tkazildi.

“Bir Vatan, bir el, bir bayroq!” shiori ostida Davlat xizmatlari markazi oldidan “Mustaqillik” maydonigacha bo‘lgan ko‘chada harbiy orkestr hamrohligida “Vatanparvar avtokarvoni” tashkil etildi.

Mazkur aksiyada viloyatimiz ahli, yoshlar va sportchilar faol ishtirok etdi. Shuningdek, Milliy gvardiya otliqlari rahbarligida tantanali yurish ham bo‘lib o‘tdi.

Bayram tadbirida Jizzax davlat pedagogika universitetidan 1000 nafardan ortiq talabalar va professor-o‘qituvchilar ishtirok etishdi.