Jizzax viloyatida buyuk davlat arbobi va sarkarda Amir Temur tavalludining 690-yilligi munosabati bilan tantanali harbiy saf yurishi hamda “Otlar paradi” yuqori saviyada tashkil etildi.
Jizzax viloyati davlat xizmatlari markazi binosida boshlangan tadbir Sharof Rashidov haykali maydonigacha davom etdi. Unda harbiy xizmatchilar, huquq-tartibot idoralari xodimlari va keng jamoatchilik ishtirok etdi.
Mazkur tadbirda Jizzax davlat pedagogika universitetidan 500 nafar talaba-yoshlar ham faol qatnashib, bayramona muhitga ko‘tarinki ruh bag‘ishladi. Tantanali yurish davomida milliy an’analar, harbiy intizom va vatanparvarlik ruhi namoyon etildi.
