1 kurs talabalari va ularning ota onalari ishtirokida bo‘lib o‘tgan uchrashuvni universitet Yoshlar masalalari, ma’naviy-ma’rifiy ishlar bo‘yicha birinchi prorektor S.Nazarqosimov ochib berdi.

U o‘z so‘zida talaba, ustoz va ota -ona hamkorligi ilk navbatda talaba uchun ko‘plab muvaffaqiyatlar eshigini ochishga turtki bo‘lishini. odob-axloq qoidalariga rioya qilib bugun ilm olish ilinjida muqaddas dargohga qadam qo‘ygan navnihollarining kelajagi har bir ota-ona va ustozning birinchi navbatdagi vazifasi bo‘lmog‘i lozimligini ta’kidladi.

Uchrashuvda shuningdek, kiyinish madaniyati, ijara xonadonlari va talabalar turar joyida istiqomat qilayotgan talabalarning yashash holati, talabalarning bo‘sh vaqtlarini mazmunli o‘tkazish, oliy ta’lim tizimida amalga oshirilayotgan islohotlar yangiliklar, korrupsiyaviy holatlarning oldini olish, uning salbiy oqibatlari, talabalarining ijtimoiy faolligi xususida so‘z bordi. Berilgan ma’lumotlar bo‘yicha barcha savollarga javoblar berildi.

Ota-onalar tomonidan bildirilgan takliflar va tavsiyalar tinglandi. Uchrashuv so‘ngida faol talabalarning ota-onalariga tashakkurnomalar tantanali tarzda topshirildi.