Majlis kun tartibiga universitet faoliyatini takomillashtirishga qaratilgan bir qator dolzarb masalalar kiritildi.

Xususan,universitetda faoliyat olib borayotgan jamoat tashkilotlari — Xotin-qizlar maslahat kengashi, Yoshlar ittifoqi boshlang‘ich tashkiloti hamda universitet psixologi faoliyatini takomillashtirishga doir masalalar muhokama qilinib, tegishli ma’ruzalar tinglandi.

Shuningdek, universitet tasarrufidagi ilmiy darajalar beruvchi ilmiy kengashlar faoliyati tahlil qilinib, ular samaradorligini oshirish yuzasidan taklif va tavsiyalar bildirildi.

Majlis davomida 2025/2026-o‘quv yilida o‘quv jarayoniga raqamli texnologiyalarni keng joriy etish, universitetda raqamlashtirish jarayonlarini yanada takomillashtirish hamda “Raqamli universitet” loyihasini amalga oshirish masalalari yuzasidan ham axborot berildi.

Majlis yakunida turli masalalar ko‘rib chiqilib, kun tartibidagi masalalar yuzasidan tegishli qarorlar qabul qilindi.