Jizzax davlat pedagogika universiteti rektori Sh.S.Sharipov oliygoh majlislar zalida AQSHning O‘zbekistondagi elchixonasi diplomati Linda Nyugen; taʼlim bo‘yicha koordinator Jamila Nasriddinova, hamda ingliz tili o‘qituvchi assistentlari Xolli Makferlayn va Samuel Kendrik bilan uchrashdi. Davra suhbati mobaynida har ikki tashkilot hamkorligi va istiqbolli rejalari borasida suhbat olib borildi. Shuningdek, Sh.Sharipov JDPU va Amerikaning nufuzli oliygohlari bilan aloqalarini yo‘lga qoyish borasidagi takliflarni ilgari surdi. Elchixona vakillari ushbu taklif doirasida o‘z fikrlarini bildirdi.

So‘ngra 2023-2024 o‘quv yili mobaynida Xorijiy tillar fakulteti Ingliz tili amaliy kursi kafedrasida o‘qituvchi asistent vazifasida o‘z faoliyatini olib boruvchi Xolli Makferlayn bilan yaqindan tanishilib, uning ish tartibi borasida fikr almashildi. Samuel Kendrik esa JDPU qoshidagi akademik litseyda faoliyat olib borilishi taʼkidlandi

. Ushbu mutaxassislar yordamida talabalarimizning ingliz tilidagi bilimlarini yanada mustahkamlash va ularga “til egasi” bilan muloqot qilish imkoniyati yaratilganligi, buning natijasida ularning ingliz tilida muloqot jarayonida o‘zlariga bo‘lgan ishonchni oshirishga erishish mumkinligi taʼkidlandi. Uchrashuv mazmunli va samarali tarzda yakunlandi. So‘ngra mehmonlar Xorijiy tillar fakulteti va Akses xonasiga tashrif buyurdi.