Jizzax davlat pedagogika universitetida Kengashning navbatdagi 10-sonli majlisi tantanali taqdirlash marosimi bilan boshlandi.

Universitet rektori Sh. Sharipov yig‘ilishni ochar ekan, ilmiy faoliyat va ta’lim sohasidagi yutuqlarni alohida e’tirof etib, so‘nggi oylarda erishilgan muvaffaqiyatlar haqida so‘z yuritdi. U, xususan, O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi tomonidan ilmiy unvon va ilmiy darajalar bilan taqdirlangan professor-o‘qituvchilar va xodimlarni chin qalbdan tabrikladi hamda ularga kelgusida yanada yuqori zafarlar tiladi.

Shuningdek, xalqaro va respublika darajasida o‘tkazilgan ko‘rik-tanlovlarda faol ishtirok etib, g‘oliblikka erishgan talabalar va ularning ustozlari ham munosib rag‘batlantirildi. Universitet rahbariyati ta’lim va ilm-fan taraqqiyotida katta hissa qo‘shayotgan ustoz va yosh izlanuvchilarning mehnatini yuqori baholadi.Yig‘ilish so‘ngida ilmiy unvon va darajalar uchun taqdim etilgan diplomlar, shuningdek, tanlov g‘oliblariga tashakkurnomalar tantanali ravishda topshirildi.

Bu kabi marosimlar universitet jamoasini yanada yangi marralar sari ruhlantirishi, yosh avlodning bilim va izlanishga bo‘lgan qiziqishini oshirishi shubhasiz.