Jizzax davlat pedagogika universitetida ta’lim sifatini yanada oshirish, universitetning nufuzi va obro‘sini yuqori darajaga olib chiqish masalalariga bag‘ishlangan kengashning navbatdan tashqari majlisi bo‘lib o‘tdi.
Yig‘ilishni universitet rektori, professor Maqsudjon Yuldashev ochib berdi. U o‘z nutqida: “Ta’lim sifatini oshirish va universitet sha’nini yuqori pog‘onaga olib chiqish — barchamizdan hamjihatlik va sa’y-harakat talab etadi. Birlashsak, albatta, natija bo‘ladi”, — deya ta’kidladi.
Shundan so‘ng universitet rektori tomonidan yangi tayinlovlar jumladan Sardor Anorboyevich Rasulovning joriy yil 11-oktyabr sanasidan “Ta’lim sifatini nazorat qilish inspeksiyasi bo‘limi rahbari” lavozimiga tayinlangani ma’lum qilindi.
Yig‘ilish davomida kun tartibida ikki muhim Universitetda ta’lim jarayonini besh kunlik ish tizimiga o‘tkazish chora-tadbirlari hamda To‘lov-kontrakt mablag‘larini to‘lash muddatini uzaytirish masalalari muhokama qilindi.Ma’ruzachilar tomonidan taqdimotlarda ta’lim jarayoni bosqichma-bosqich besh kunlik tizimga o‘tkazilishi va bu jarayon bahorgi semestrga qadar to‘liq joriy etilishi ma’lum qilindi. Shuningdek, to‘lov-kontrakt mablag‘larini to‘lash muddati joriy yil 30-oktyabrgacha uzaytirildi.
Yig‘ilishda muhokama qilingan barcha masalalar kengash a’zolari tomonidan bir ovozdan ma’qullandi.
