Jizzax davlat pedagogika universitetida o‘quv yili yakunlari va yangi mavsumga tayyorgarlik masalalari muhokamasiga bag‘ishlangan Kengashning navbatdagi 11-sonli majlisi o‘tkazildi
Majlis avvalida tantanali tadbir bo‘lib o‘tdi va unda Oliy attestatsiya komissiyasi tomonidan ilmiy daraja diplomlari tasdiqlangan universitetning 7 nafar fidoyi pedagog-xodimlari e’tirof etildi. Xususan, oliygoh rahbariyati va Kengash a’zolari tomonidan tegishli ixtisosliklar bo‘yicha filologiya fanlari doktori (DSc) hamda filologiya, pedagogika, geografiya fanlari bo‘yicha falsafa doktori (PhD) ilmiy darajasini olgan olimlar yuksak muvaffaqiyat bilan qutlanib, ularga diplomlar topshirildi va kelgusi ilmiy-pedagogik faoliyatlariga zafarlar tilandi
Kengash ishida yakunlanayotgan o‘quv yilida ma’naviy-ma’rifiy soha hamda o‘quv jarayonlarida amalga oshirilgan ishlar hisoboti tinglanib, yangi o‘quv yilidagi ustuvor vazifalar belgilab olindi.
Shuningdek, universitet Kengashi qarorlari ijrosi, yangi qabul jarayonlariga tayyorgarlik ko‘rish, muassasa futbol klubi nizomini tasdiqlash hamda professor-o‘qituvchilarning ilmiy unvonlari va darsliklarini tegishli muvofiqlashtiruvchi kengashlarga tavsiya etish masalalari ko‘rib chiqildi va yakunda kun tartibidagi barcha masalalar yuzasidan tegishli qarorlar qabul qilindi
