Bugun Jizzax davlat pedagogika universitetining 50 yillik tantanalarining asosiy tadbirlaridan biri. Ushbu tadbirga Jizzax viloyatidagi barcha tashkilot rahbarlari, yurtimizdagi pedagogika yo‘nalishdagi oliy ta’lim muassasalari rektorlari, faxriy ustozlar taklif etilgan. Erta tongdan Universitet volontyorlari va mas’ul xodimlar ushbu tantanalarga taklif etilgan mehmonlarni kutib olishdi.
Shundan so‘ng mehmonlar shahrimizdagi «Visol» tantanalar maskaniga taklif etildilar.
Bir piyola choy ustida tashkil etilgan tadbirni universitet yoshlar masalalari, ma’naviy-ma’rifiy ishlar bo‘yicha prorektor S.Nazarqosimov ochib berdi.Jizzax davlat pedagogika universiteti 50 yillik tantanalari hamda 1 oktyabr-O‘qituvchi va murabbiylar kuni munosabati bilan tashkil etilgan tadbirda so‘z olgan boshqa oliy ta’lim muassasalari vakillari tabrik so‘zlari bilan bir qatorda esdalik sovg‘alarini ham taqdim etishdi.
Shuningdek, viloyat kasaba uyushmasi qo‘mitasi tomonidan tashkil etilgan sovg‘alar ham o‘z egalariga tantanali ravishda topshirildi.
Diydorlashuv tadbiri shirin suhbatlardan kuy-qo‘shiq va raqslarga ulandi.
