Jizzax viloyati Yong‘in xavfsizligi boshqarmasi hududida Jismoniy madaniyat yo‘nalishi bo‘yicha kasbiy (ijodiy) imtihonlar tashkil etildi.

Imtihonlar boshlanishidan avval abituriyentlarga baholash mezonlari, xavfsizlik qoidalari hamda sinovlarni o‘tkazish tartibi yuzasidan batafsil tushuntirish ishlari olib borildi.

Jarayonda tibbiyot brigadalari, kuzatuvchilar, nazoratchilar hamda mas’ul ishchi guruhlar navbatchilik qilib, ishtirokchilarning xavfsizligi va imtihonlarning belgilangan tartib asosida o‘tishini ta’minlamoqda.

Kasbiy (ijodiy) imtihonlar ochiqlik, shaffoflik va adolat tamoyillari asosida, nazoratchilar kuzatuvi ostida hamda amaldagi tartib va xavfsizlik talablariga qat’iy rioya qilingan holda o‘tkazilmoqda.