Jizzax davlat pedagogika universitetiga Hindiston davlati oliy ta’lim muassasalarining yetakchi olimlari Vishal Singh Khutel, Dr. Anand Kumar Tripathi, Kishor Ratnaker Sarsolkar, Hussain Shaikh, Ryan C. Vazlar tashrif buyurdi. Tashrif dastavval universitet rektori Sh.Sharipov qabulidagi samimiy suhbat bilan boshlandi. Uchrashuv davomida mehmonlar universitet tarixi bugungi faoliyati talabalar uchun yaratilgan sharoitlar va imkoniyatlar bilan yaqindan tanishishdi.Hindistonlik olimlar talaba yoshlar uchun tashkil etilgan Steam park faoliyatidan mamnun ekanliklarini bildirib o‘tishdi. Samimiy va ochiq tarzda bo‘lib o‘tgan uchrashuvda mehmonlar oliygoh bilan hamkorlik aloqalarini o‘rnatishga tayyor ekanliklarini aytib o‘tishdi.
Mehmonlardan Hussain Shaikh Jahon Banki tomonidan e’lon qilingan grant dasturida o‘z kompaniyasi tomonidan ishlab chiqilgan loyihasini Jizzax davlat pedagogika universiteti bilan hamkorlikda amalga oshirishni kelishib olgan bo‘lsa Jizzaxda xorijiy tillarni rivojlantirish bo‘yicha taklif bilan kelgan Orangestlates tashkilot rahbari Vishal Singh Khutel Xorijiy tillar fakulteti bilan hamkorlikda faoliyatini davom ettirishni ma’lum qildi.
Hindistonlik vakillardan yana biri Ryan C.Vaz STEAM parkda o‘z faoliyatini boshlashga tayyorligini bildirib o‘tdi. Ikki tomonlama manfaatli bo‘lgan Uchrashuv so‘ngida tomonlar Steam ta’lim texnologiyalari, Steam Robototexnika sohasida memorandumini imzolashdi.
