Yangi yilni barchamiz intizorlik bilan kutamiz. Bolalikdan yangi yil bayrami mo‘jizalar olib keluvchi, yangi quvonchlar, yangi orzular olib keluvchi bayram sifatida xotiramizda qolgan.
Sahna markazida o‘rnatilgan yangi yil archasi atrofida talaba yoshlar ishtirokida bo‘lib o‘tgan bayram tadbiri uzoq vaqtgacha ular xotirasida saqlanib qolishi shubhasiz.
Talabalar o‘rtasida tashkil qilingan “Yilning zukko talabasi”, “Yilning eng iqtidorli talabasi” “Yilning eng bilimdon talabasi” nominatsiyalari bo‘yicha kurash olib borgan talabalar barcha shartlarda faol ishtirok etishdi. Qiziqarli shartlar g‘oliblari esa qimmatbaho va esdalik sovg‘alari bilan taqdirlanishdi.
