Tadbir O‘zbekiston Respublikasi Qurolli Kuchlari tashkil etilganligining 33-yilligi va 14-yanvar «Vatan himoyachilari kuni» ga bag‘ishlandi. Maktabgacha ta’lim fakulteti hamda Ichki ishlar vazirligi qoshidagi Jizzax akademik litseyi hamkorligida tashkillashtirilgan tadbir harbiy parad bilan boshlandi. Talaba yoshlar hamda akademik litsey o‘quvchilaridan iborat harbiy parad musiqa sadolari ostida o‘tkazildi.

Tadbirning tantanali qismini fakultet dekani H. Meliyev ochib berdi. Shundan so‘ng tabrik so‘zi uchun navbat Jizzax akademik litseyi jangovar tayyorgarlik boshlig‘i Sh.Adilovga berildi. O‘ziga xos tarzda o‘tkazilgan bayram tadbirini litsey o‘quvchilarining jangovar tayyorgarlik bo‘yicha chiqishlari davom ettirdi.

Tadbirda iqtidorli talabalar tomonidan Vatani ona-yurtni madh etuvchi kuy-qo‘shiqlar ijro etildi. Tadbirga faol talabalarni taqdirlash marosimi yakun yasadi.