Jizzax davlat pedagogika universitetida 27 Dekabr kuni “Madaniy meros va uning ta’limga ta’siri” mavzusida Ta’lim sohasidagi tadqiqotlar va innovatsiyalar bo‘yicha 2-ichi O‘zbekiston – Ozarbayjon Akademik Forumi bo‘lib o‘tdi.
Ta’lim sohasida tadqiqotlar va innovatsiyalar bo‘yicha 2-ichi O‘zbekiston-Ozarbayjon akademik forumi onlayn shaklda bo‘lib o‘tdi. Ikkala davlatdan 20 ta universitetdan mutaxassis olimlar taqdimoti bilan qatnashgan tadbirga Jizzax davlat pedagogika universiteti mezbonlik qildi. Forumni Silk Road Research Academy asoschisi, professor Azamat Akbarov ochib berdi. Kirish qismini Oliy ta’lim, fan va innovatsiyalar vaziri Sharipov Kongratbay Avezimbetovich, JSPU rektori Sharipov Shavkat davom ettirdi.
Ular tashkil etilgan forumning ahamiyati undan kutilayotgan natijalar xususida to‘xtaldi. Ta’kidlash joizki, Forumdagi taqdimotlar o‘zbek, ozarbayjon, rus va ingliz tillarida taqdim etildi. Forumning maqsadi esa Xalqaro almashinuvni oshirish va rivojlantirish, Madaniyatlararo muloqotni kuchaytirish, Fanlararo loyihalarni rag‘batlantirish, Yangi bilimlarni yaratish va almashish, Hamkorlikda maqola yozish va loyihalar tayyorlashdan iborat. Forum kun davomida sessiyalarda o‘z ishini davom ettirdi.
