Konsert dasturidan maqom san’atining mumtoz navolari,xususan A.Navoiy va Z.M.Bobur qalamiga mansub g‘azallar, shashmaqom, kuylari o‘rin oldi.
Ta’kidlash joiz E.Lutfullayev nomidagi talabalar maqom ansambli respublikadagi OTMlar ichida birinchilardan va san’atda iqtidori baland talab yoshlardan tarkib topgan jamoadir. Ayni paytda talabalar maqom ansambli izlanishdan, yangi maqom kuylarini o‘rganishdan, unutilayotgan taronalarimizga qayta jon bag‘ishlashdan bir dam to‘xtagani yo‘q.
Shu vaqtga qadar universitetda o‘tgan barcha tadbir va bayramlarda jamoa jonli ijroda konsert dasturlarini namoyish etdi. Bugungi hisobot konsertida ham jamoa ustozlar, xonandalar, san’at ixlosmandlari uchun tinimsiz izlanishlar mahsulini namoyish etishdi. Konsert davomida talaba yoshlarning, professor-o‘qituvchilarning mumtoz kuylarimizni berilib tinglashini ko‘rib, e’tibor yuksakligidan, eshitadiganlar ko‘pligidan quvondik
