Jizzax davlat pedagogika universitetining ijodkor talabalarini birlashtirgan adabiy kechaga ishtirok etganlarning taassurotlari cheksiz. Universitet rektorining kutilmaganda tashrifi kecha ishtirokchilarini yanada ruhlantirdi.

Ushbu kecha O‘zbek tili va adabiyoti fakulteti talabasi Abdiyeva Barno tomonidan tashkil etildi. Kecha loyiha rahbarining kirish so‘zi bilan boshlanib, undan so‘ng Abdulla Qodiriy hayoti va ijodi haqida ma’lumotlar berildi, asarlari tahlil qilindi. Ayniqsa “O‘tgan kunlar» hamda «Mehrobdan chayon», «Obid ketmon» kabi asarlarning yaratilish tarixi, ushbu asarlarning bugungi kun bilan bog‘liqligi haqida tahlili qilindi.

Kechaga kutilmaganda universitet rektori Shavkat Safarovichning tashrifi yanada ko‘tarinki ruh baxsh etdi. Ustozning talabalar bilan birgalikda kechada ishtirok etib, talabalarni kuzatgani va tinglagani, hamma bemalol erkin fikrlar almashib, aynan adabiyot borasida suhbat qurgani ijodiy kayfiyat uyg‘otdi. Ijodiy kecha qahva va shirinliklar bilan suhbat bilan davom etdi.

📖Aziz talabalar, keyingi safar qaysi ijodkorning ijodiy kechasi tashkil etilishini xohlaysiz?

Taklif va fikrlar uchun: (@Barno_Baxtiyor_qizi)