Jizzax davlat pedagogika universitetida pedagog xodimlarning kasbiy faoliyatini samarali baholash mezonlari ishlab chiqildi va e’lon qilindi. Ushbu mezonlar o‘qituvchilarning ilmiy, metodik, pedagogik va kommunikativ salohiyatini har tomonlama baholashga xizmat qiladi.

Mazkur jarayonni sifatli tashkil etish maqsadida 25 nafar namunali professor-o‘qituvchilardan iborat ishchi guruh tuzildi. Bugun ishchi guruhining ilk yig‘ilishi bo‘lib o‘tdi. Unda pedagog xodimlarni baholashning asosiy mezonlari va amaliy tartiblari batafsil tushuntirildi.

Baholash jarayonida har bir pedagog xodim 100 ballik tizim asosida quyidagi yo‘nalishlar bo‘yicha baholanadi:

✅ Tashkiliy qism va darsning metodik tashkil etilishi; ✅ Pedagogik mahorat va kommunikativlik darajasi; ✅ Axborot-kommunikatsiya texnologiyalarini (AKT) qo‘llay olishi; ✅ Talabalar faolligi va ularni baholashning xolisligi; ✅ Ta’lim muhitini yaratish va xavfsizlikni ta’minlash; ✅ Muloqot va ijtimoiy ko‘nikmalarni rivojlantira olishi; ✅ Darsning samaradorligi va natijadorligi; ✅ Vaqtdan oqilona foydalanish.

Tadbirda ta’kidlanishicha, mazkur tizim professor-o‘qituvchilarning o‘z ustida ishlashi, ilg‘or metodlarni joriy etishi hamda ta’lim sifati va samaradorligini oshirishgа xizmat qiladi.Mazkur tashabbus JDPUda ta’lim jarayonini yanada takomillashtirish, pedagoglarning malakasini oshirish va ularning mehnatini adolatli baholash yo‘lidagi muhim qadamlardan biridir.