JDPU va AQSh elchixonasi o‘rtasidagi hamkorlik yuzasidan joriy yilning sentyabr oyida Fulbrayt dasturi mutaxassisi Sandra Israel xonim Xorijiy tillar fakultetida o‘z faoliyatini boshladi.
Ingliz tili nazariyasi va amaliyoti kafedrasi katta o‘qituvchisi Dildora Bahriddinova va Sandra Israel xonim hamkorligida «O‘qituvchilar kasbiy rivojlanish to‘garagi» ish boshladi.
Ushbu to‘garak maqsadi fakultet pedagoglari uchun kasbiy rivojlanish va hozirgi zamonaviy til o‘qitish metodlaridan xabardor qilishdir. To‘garakning birinchi kunida o‘qituvchilar darsga qay tarzda tayyorgarlik ko‘rish, darsga tayyorlanishdagi o‘zaro tajribalar bilan almashishdi hamda bu boradagi foydali manbalar, internet vebsaytlari bilan tanishtirildi.
To‘garakning ilk kuni qiziqarli bahs-munozaralar va yangi ko‘nikmalarga ega bo‘lish bilan o‘z yakuniga yetdi.
