Jizzax davlat pedagogika universitetida talaba-yoshlar o‘rtasida kibersavodxonlikni oshirish, axborot xavfsizligini ta’minlash hamda oliygohni «Kiberjinoyatlardan xoli hudud»ga aylantirish maqsadida dekan o‘rinbosarlari va tyutorlar ishtirokida amaliy yig‘ilish o‘tkazildi.

Yig‘ilishda kiberxavfsizlik va kibergigiyena tushunchalari, internet va raqamli platformalardan xavfsiz foydalanish qoidalari, shaxsiy ma’lumotlarni himoya qilish, shubhali havolalar va xabarlarga ishonmaslik, kiberfiribgarlikning keng tarqalgan usullari hamda ularning salbiy oqibatlari haqida tushuntirishlar berildi.

Shuningdek, onlayn qimor, tavakkalchilikka asoslangan o‘yinlar va treydingga ruju qo‘ygan, shuningdek, kiberfiribgarlar tuzog‘iga tushish xavfi yuqori bo‘lgan talabalar bilan tyutorlar tomonidan manzilli va individual profilaktik ishlar olib borish bo‘yicha aniq vazifalar belgilab olindi. Tadbir JDPU hamda viloyat IIB Kiberjinoyatlarga qarshi kurashish boshqarmasi tomonidan tasdiqlangan Qo‘shma chora-tadbirlar rejasi (Yo‘l xaritasi) ijrosini ta’minlash maqsadida tashkil etildi