Rangin toshlar bilan bezalgan kiyimlar, do‘ppilar va ko‘ylaklar. Fizika texnologik ta’lim fakultetining dizayn yo‘nalishi 4-kurs talabalari tomonidan tashkil etilgan ko‘rgazmada turli xalqlarning milliy liboslari namoyish etildi.
Qirg‘iz, o‘zbek, turkman, turk, ozarbayjonlarning milliy liboslari bilan birga turkiy bo‘lmagan xalqlar milliy kiyimlari: koreys, xitoy va hindlarning sarilari ham tomoshabinlarga taqdim etildi.
Jizzax viloyati hokimligi bilan hamkorlikda o‘tkazilgan ushbu ko‘rgazma tanlov so‘ngida eng yaxshi deb topilgan dizayn mualliflari taqdirlandilar.Turli xalqlarning milliy liboslariga bag‘ishlangan ko‘rgazmaga talaba yoshlar tomonidan tayyorlangan badiiy dastur yakun yasadi.
