2023/2024 o‘quv yilida Jizzax davlat pedagogika universitetini 4287 nafar yoshlar tugatyapti. Ularning 49 nafarini magistrlar tashkil etadi.
Tabriklar, Gullar, hayajonli lahzalar bugun JDPU binosiga diplomlarini olish uchun kelgan yigit-qizlarning yuzlaridagi quvonch va hayajonni sezish qiyin emas. Har qanday talaba uchun uzoq kutilgan baxtning lahzalari, uzoq muddatli ta’lim va mehnatning natijasi. Bu yutuq va mamnuniyat tuyg‘uni so‘z bilan ifodalab bo‘lmaydi…
Universitet rektori Sh.Sharipov bitiruvchilarni va ularning ota-onalarini ushbu unutilmas kun bilan qutlab, barcha bitiruvchilarga o‘z sohalarida yetuk mutaxassis bo‘lishlarini, barcha maqsadlar va orzulariga yetishlarini tiladi.
Tantanali diplom topshirish marosimi so‘ngida bitiruvchilar ham so‘zga chiqib ustozlarga o‘z tashakkurini bildirishdi.
